drama Natal naposo

NGOLU NA MARHABENGETON

DRAMA NATAL R/NHKBP SIBARUANG

Prolog: Taida ma sada boru-boru na tading maetek, na manaon parsoalan, nungga marujung ngolu ni parsinuan dohot pangintubuna, soada haha manang anggina. Punjung songon tandiang nahupulongan ma ibana. Ala ni i tapaihut-ihut ma partinaonan ni sahalak na marhabengeton

Tulang             : unang pola sai tangis ho bere dison ma hita, adong do pangalu-aluanmu dohot donganmu, unang pola mabiar ho bere.....

Nantulang       : olo tutu bere..! na denggan do na ni dok ni tulangmi.. dison ma hita, apusi ma ilumi.

Rini                 : olo tulang/nantulang, mauliate ma dihamu ala olo do hamu mamboan ahu tu jabu on, nirimpu do gabe dao roha muna tu ahu, ala naung marujung ngolu ni damang dohot dainang.

Wanti/parman  : bapak/omak, laho ma hami sikkola da!! (Cuek tidak mau tau akan si rini)

Bapak              : burju-burju diparsikkolaan da......! (tutup layar)

Prolog             : taida ma si rini mangulahon si ulaonna dijabu ni tulang nai, manang aha pe gabe di ula ibana do ala mabiar ibana di badai.

Babak II

Rini                 : hanccit na hape na so di sonduk ni damang dohot dainang, ndang hurimpu songonon hape haccitna, na so hea ni ula di jolo ni dainang, hape ingkon ma hape ulahononku... ahhhh.. tahee

Tulang             : boasa sai marungut-ungut ho bere.. apala aha horaha na hurang

Rini                 : ndang adong tulang na marende-ende do ahu

Tulang             : o...ido... jadi naung mangan do ho bere (nantulang mamotong panghataion)

Nantulang       : ah hope antong unang sai paksaa ibana... naloakon ibana molo so mangan. Naung mangan do ibana

Rini                 : bah........ pintor didok nantulang i ahu naung mangan, hape so mangan do pe ahu sian nantoari.. ah.. haccit na i di au among, holan marujung damang/dainang, sude sisolhot gabe mandao, among....among... haccit na i di au borumon. Tumangon na ma ahu mate unang hutaon na songon on.

Prolog             : taida ma songon dia do si rini mangulahon si ulaonna di jabu i, di na mangulahon ulaon i ibana pintor ro do boru ni tulang na i.. boha do didol tu ibana??

Babak III

Wanti              : rini.rini.....oooo rini nengel..

Rini                 : apala aha eda.......?

Wanti              : aha eda....2x ninna babam dope..... diboto ho do manang ise ho di jabuon?? Di boto ho do karejom..... annon cuci jolo sipatukku, ahu naeng lao annon marhallet.. dohot bajukku gosok dah... ias baen (sepatu dicampakkan dan baju ke wajah rini)

Rini                 : olo eda (rini keluar dan parman masuk menjumpai wanti)

Parman            : ooo ito saonari sepakat ma hita...

Wanti              : aha horaha i ito?

Parman            : songon on ito... dijabutta on kan nungga adong hatobanta ima si rini.. tasuru-suru ma ibana ba molo so olo tatunjanghon songon i....

Wanti              : ha.ha.ha.ha.ha. boi.boi

Wanti              : omak.omak

Mak Wanti      : aha wanti, apa sayang, songon na so hea songon on tompu dijou ho omak. Adong na porlu boru hasian...?

Wanti              : songon on omak.. molo hami mangido hepeng tu bapak dang hea adong.. hape molo si rini mangido pintor hatop do dilehon.

Parman            : olo... omak tutu do na didok na i, manang na ummarga do sirini sian hami dijabu on.... ndang binoto (rimas ma omakna i).

Mak. Wanti     : parman.... hatop jou jolo bapakmu tu son.

Parman            : olo omak... (bapak wanti masuk dengan pitam)      

Mak Wanti      : bah.bah.. ndang hurimpu songon i bahenonmu tu anakhon, na ummarga na ma hape bere mi di ho. Na so umbboto lungun i, atik na jatuh cinta do ho tu ibana...brrhhhh... rini. Tu son jo ho.. diboto ho do, ho do umbahen na dijou ho tu jabu on ndang  na laho manghabisi, alai naeng karejo do. Mandok mauliate ma ho nian ala dijangho ho tu jabu on. So diboto ho lungunmu dohot jimputmu na so ma ila.... (rini menangis)

Bpk. Wanti      : bah gabe lomo.lomom do huida mandok hata tua au, mardomu sahat-sahat ho tu si rini sampe tangis indi ibana, gabe ho do huida mangatur

Mak Wanti      : ho ma marpingkir pillit ma saonari ise do naumarga  beremi do manang ianakonmi??

Parman            : oma nga sai bei.

Prolog             : dung adong umur ni sirini 17 taon , martamba do parungkilon ni ibana, mansai haccit do partinaonan ni ibana, tapaihut-ihut ma.

Babak IV

Rini                 : haccitna i tahe di ahu na tininggalhon ni damang on, sude sisolhot gabe mandao.. o Tuhan tatap ma pardangolanhon, asi rohaM di au.

Mak Wanti      : rini boasa sai marhatahata babam disi, hotop karejo ho, unang holan na tangis ho, karejo pe ho malas, alai mangan tambu torus. So diboto hopunjungmu, tu tanoman ni amangmi bahen ilumi..

Rini                 : olo nantulang (huhut mangapus ilu)

Mak Rini         : olo.olo.olo holan olo... roa.roa. nga na roa mangolu muse dope (dengan muka sinis)

Prolog             : tung sude do tahe marsogo ni roha tu sirini, soada na sala na binahenna, manang aha di ula sai na sala do dimata ni keluarga i. Taida ma songon dia do ibana manghabernithon sitaonon i.

Babak V

Wanti              : rini......riniiiii..

Rini                 : aha eda..? apala aha horaha?

Wanti              : aha eda.aha eda ninna muncungmu dope. Sandia dalanna umbahen na edam ahu, ndang adong edakku songon ho, na pogos, na dorsun, na roa, dohot na loahon songon ho... nga sudih lah yeeee..... (sambil mencampakkan kain) on ma panggosokmu di bajungkon.. disangka ho do na mura arga ni baju on, ummarga do pe baju on sian ho da.. diboto babam do i....

Rini                 : olo eda.... (sambil menangis)

Wanti              : unang baen baen tangis tu ahu. Dirimpu ho do gabe asi rohangku tu ho..... tumangonan do pe pinahan an hu asi i unang apala ho (wanti keluar)

Bpk. Wanti      : boasa tangis ho bere..... bege hatanghon didok nantulangmu... mangalompa ho annon dah.. jala unang ho mangan saleleng so rohami sian kantor..

Wanti              : olo tulang..... tulang boasa gabe muba roham tu ahu. So adong be hape namarholong ni roha tu ahu.. O Tuhan asi ma rohaM di ahu. Holan Ho do namarholong ni roha di ahu. Unang pasombu ahu Tuhan..

Prolog             : laho ma tulangnai tu kantor, anggo si rini tinggal do dijabui, nungga songo pembantu ibana dijabu i, gari pembantu tahe ndang songon i, tapaihut-ihut ma udut ni partinaonna

Babak VI

Mak Wanti      : bah....bah... ai holan na mangan do karejom, so karejo do pe ho nunga mangan (mak wanti mencampakkan piring si rini)

Rini                 : n............nunngggg.......aaaa  male hian huhilala nantulang, nungga 2 ari ahu ndang mangan, ai ndang huboto mang didia indahan...

Mak Rini         : majelas antong..tumangon do pe biang i hulehon mangan sian ho. Alana ho mangarugihon do ho dijabu on..... (si rini ditendang dan diusir dari rumah)... morot ho..... kaluar.kaluar. suruk tanoman ni amangmi. So adong na suman karejom, piring, galas, marbolaan dbahen ho.

Rini                 : ndang au nantulang mambolahon i, ai naung maputtar hian do i.. o Tuhan. Asi rohaM dia au.. bereng au anakhoMon

Mak Wanti      : aha..... Tuhan..? Tuhan ninna babam dope. Disangka ho di bege i, amang/inangmi ma jou tu tanomanan, asa asi rohana tu ho.

Bpk Wanti       : ai aha i..... sai holan na ribut hamu dison, ndang diboto ho huida ila, holan naguntur, manogot, arian, borngin torus holan na guntur ho. Maos holan si rini on dimuruhi ho.

Mak Wanti      : ndang humuruhi i......... holan hupincang do ibana, molo karejo denggan bahen ningku do tu ibana, hape pintor madekdehi iluna.

Bpk wanti       : ohhh... songon ni do hape... ho pe antong bere... unang ho pintor tangis molo dipodai nantulangmu ho, na sintong do na didok na i, olo tahe nga mangan ho?

Mak Wanti      : nunga mangan ibana parjolo.. hope antong dia do mungkin ibana ndang magan ai sai burju berengkon.. ate bere (wajah pura-pura)

Prolog             : ala ni sitaonon i gabe mottok do ibana sikkola. Alai sai lulu do ianggo angka donganna tarlumobi guruna.

Babak VII

Sarianti            : boasa ndang hea ho marsikkola rini... nungga adong dua minggu ho ndang hea be ro, jala gurunta pe sai disungkun do ho. Ala ni aha do paboa ma tu hami?

Rusleni            : olo tutu rini... ala ni aha do umbahen na so sikkola be ho, asa huboto hami mandok tu gurunta.

Rini                 : ueeee.. daaa... (marhosa ganjang huhut manetek iluna), dongan boha bahenonku sikkola, holan mangan pe iba nungga dimuruhi, lam marsikkola ma...?

Sarianti            : ndang dilehon si wanti dohot si parman horoha di ho sipanganon umbahen didok ho mangan pe terancam.

Rini                 : heeeee...... ndang tarhatahon be sudena i, hera na so diboto hamu do si wanti.

Rusleni            : ndang dipodai nantulang mi horoha ibana

Rini                 : ndang...... tarhatahon be i dongan, ai dohot do nantulang i manjujui asa lomo-lomo ni halak i tua ahu.

Tono                : olo tutu tahe bah. Memang ginjang do roha ni si wanti i, ai dirimpu ibana do    horoha naung bagak ibana, gabe emosi iba mambege cerita ni sirini on, paima ma annon asa hu ajar jolo si parman unang somal songon i.

Rini                 : unang abang...... ndang boi songon i, annon lam tamba muruk ni halak i tu ahu.

Rusleni            : olo tutu ito unang pintor emosi baen, ai jalo on ni ido hombar tu na ni ulana.

Sarianti            : tutu do na didok na i, molo holong do roham tu sirini, topot ma tu jabuna i, alai ingkon pas disi do nantulang ni sirin i.

Tono                : olo tutu toho do i bah... alai hope adek... unang pola pamarsak hu ho, adong dope hami donganmu, pos ma roham ito holong do rohanami di ho. Holan tu Tuhan i ,a hita pasahat sandok na masa dingolunta on, ai parasi roha do Tuhan i.

Rini                 : tutu do ito na nidok muna i....?

Tono                : tutu do ito.. pos ma roham tu hami...

Prolog             : nungga marumur si rini 21 taon, alai lam tamba do parungkilon di adopi ibana, alai nang pe songon i benget do ibana laho mangadopi i.

Babak VIII

Wanti              : rini..... aha nangkinan hatam tu si tono, hatop paboa tu ahu

Rini                 : ndang adong wanti, ba holan mangalehon hata poda do ibana tu ahu

Wanti              : diam.... hatop paboa... (rini di dorong lalu terjatuh)

Mak wanti       : aha ii wanti..... gabe dijambak ho si rini i

Wanti              : nda dipada-bada on au dohot donganku...?

Mak wanti       : ate rini....! ganjang ni muncung mi ate.. malo ni babami paburukburuk halak , ima burju ni borungki tu ho, hape gabe di paburuk-buruk ho, so diboto ho lungunmu, nga na soadong natua-tuam.

Wanti              : usir ma on omak sian jabu on, asa laho on tu amang/inang na, na ditanoman an, asa sonang rohanta, ndang i omak......?

Rini                 : unang be sungguli hamu nantulang damang/dainang, nungga hupabulus be rohangku.

Mak wanti       : diam babami, hudego do ho annon, mangajari ho tu au oto-oto... hatop kaluar....morod ho sian jabu on.... (lalu menendang rini keluar)

Rini                 : among........ haccitnai...... inong.... haccittna, didia do ho among/inong alusi ahu borumon. Porsuk situtu do inong sitaononku dison, sugari ma mangolu ho among/inong ndang hutaon songon on, (rini menangis bernyanyi BE. 182:1-2)

Prololg            : dungi laho ma si rini si jabu ni tulang na i, dilului tulangnai do ibana, jala jumpangsa do sirini ditonga dalan huhut sai tumatangis.

Babak IX

Tulang             : rini.... ai boasa dison ho bere.. beta ma tu jabu, nungga hudok be tu nantulangmu, nungga manosal nasida, alani i maafhon ma nantulangmi.

Rini                 : daong ulang.... nungga sude halak pasidinghon ahu, jala ahu pe songon na huliton na ma di jolo ni nantulang.

Tulang             : daong bere.... pos roham tu tulang

Rini                 : unang pola be tulang, lokma sahalak au manaon na dokdok on, huboto do lungunku tulang, tingki di ngolu ni damang/dainang songon i nama burju ni pambahenanmuna tu ahu, hape dung lao damang/dainang  gabe mandao jala gabe si sogo do au di hamu.

Tulang             : pos ma roham bere, ingkon mulak do ho tu jabu, alana holan ahu nama na manjanghon ho, molo so i tu dia ma ho...? beta ma bere...

Prolog             : dung mulak saut si rini tu jabu ni tulang na i, tong do ndang adong hamubaon di nantulang na i.

Nantulang       : bah..... ai boasa do pe ro ho tu jabu on...? boru-boru na pogos...

Rini                 : tulang do manogihon ahu nantulang

Nantulang       : antong molo songon i do, mulai saonari boto ma karejom na somaila....

Wanti              : olo tutu unang be baen ginjang ni rohami..... botoonmu do lungunmu, jala botoonmu do manang boha partinaonannmu..

Rini                 : olo eda.....

Parman            : ehh..... boru ni na pogos, ee mulak do ho hape tu jabu on.... tu ise ma antong lakku ho, songon ho ma halakna, nga pogos, natua-tua na pe nga mate, ise ma marholong ni roha tu ho....? kasihan de loe..

Nantulang       : rini......rini.....! hatop ro tu son... boha do bahenon mangajar ho; sude karejom so adong na ture, anggo songonon do karejom tu mangon ma suruk tanoman ni amang mi.

Rini                 : haccit na pambahenanmon tu ahu nantulang, ai asi ma jolo roham tu ahu nantulang mamereng ahu. Sugari mangolu damang/dainang ndang pola songon on ahu nantulang..

Nantulang       : diam babami kurang ajar.... ganjang dope muncungmu mangajari au... hatop morot ho sian jabu on (lalu mencampakkan kainya keluar)

Rini                 : (rini pergi dengan sedih dan menangis) ohh... Tuhan.. lehon ma hamubaon ni roha tu nasida. Tuhan jou ma au tu lambungMu, asa unang hutaon be na hancit on (rini berhenti dikuburan orang tuanya, ia menangis sambil bernyanyi BE. No. 286:1-2)

Prolog             : dung songon i partinaonan ni sirini, pajumpang ma ibana dohot si parman, ranti, dohot si tono laos marbada

Babak XI

Ranti               : ito parman molo hubereng do ito saleleng on.. berubah do..! boha do hu roha dibahen hamu tu sirini?

Parman            : ho ma jolo dek.... tu aha ma boru-boru songon i.... so diboto lungun na, naung marujung do natua-tua na, alai sai ginjang dope rohana.

Ranti               : ndang boi songon i abang, alana hata ni Tuhan i mandok “haholongi ma dongami doshon dirim” tarlumobi ma ibana na so marama-somarina.

Parman            : aha...? manghaholongi ibana...??? helllooo!!!! Palias ma i, tumangonan do pe narintik an huhaholongi unang sian i.

Tono                : (langsung mencekik leher parma).. aha do ninna babam,, dok jo sahali na i asa huribak babami.. sahali na hubege didok ho songon i.. awas!! Jaga-jaga ma ho.

Parman            : bah.... aha do maksudmu....?

Tono                : maksudmu aha.....?? porlu jo hutolpengi ho asa ditanda ho jo au, ginjang ni roham sun. So dia dope hamoraonmu mamintor songoni leakmu. Nang pe pogos si rini i, ummarga do i di ahu unang apala ho.

Parman            : annon da asa taulakhon muse..... rini.. molo hubereng dope ho mardongan dohot ibana, awasss... hupaboa annon tu omak asa diboto ho.

Tono                : unang ho mabiar ito... dison dope ahu pos ma roham ndang holan ho annon mangdopina.

Prolog             : lanjut.......................... (kondisi di sikkola)

Babak XII

Ranti               : rusleni...... boha do didok si rini na laho i hamu tu jabuna?

Ruseleni          : ndang tarhatahon  daba ran.... manetek ilu marnida namasai.

Andi                : au memang nungga huboto roha ni si wanti i, alai boi do bahenon pelajaran sasahalak tu ibana. (wanti masuk dengan keadaan marah)

Wanti              : aha do nimmu rusleni.... aha di dok babam...?

Rusleni            : unang baen wanti ginjang ni roham.. huboto hami do nabagak ho...namora... alai ndang asi roham marnida edam si rini i.

Wanti              : isss... hamu ma marisi ni roha tu si.. molo ahu tumangonan do pe pinahan an hudongani sian i.

Tina                 : tu aha ma antong mardongan iba tu na pogos, maila iba, apalagi songon si rini.

Andi                : unang dohot-dohot ho disi. Hope nga na roa bohim.... dohot muse pangalahom roa. Weee bagianmi kedan..

Prolog             : dung laho si rini sian jabu ni tulangna i... mulai ma porsuk partinaonan ni keluarga ni tulangna i, nungga marpogos jala lam suda artana. Alai na laho si rini mangaranto tu luat na dao pajumpang ma ibana dohot sahalak na mora, jala ido gabe sinondukna.

Babak XIII

Rini                 : pa...pa... e... sinilah sebentar.... hubege nangkin kabar sian si rusleni nungga marpogos ninna tulangku na dihuta i, molo olo bapak, laho ma jolo hita tu si.

Hendra            : na denggan ma i ma...e... alai ho mandok nantulangmi na kejaman. Boasa pola be laho hita tu si...? balos ma boru ni raja...!

Rini                 : ndang songon i pa...! nang pe haccit pambahenan ni nantulang i tu ahu, ndang adong rohangku mambalos i..

Hendra            : molo songon i terserah boru ni raja i ma... haburjoonmi ma nean na sa mambahen jatuh cinta iba tiap ari tu ho (sambil mencubit pipi rini).. laho pe hita marsogot..

Prolog             : laho ma si rini dohot saripena i tu jabu ni tulangna i, laos dapot ibana do tulangna i mangido-ido di dalan... alai asi do roha ni si rini marnida??? Tapaihut-ihut ma.

Babak XIV

Rini                 : pa....pa.. e.. bereng ma ndi do tulang

Hendra            : beta ma tatopot tu si asa unang maila ibana molo tajou sian on.

Rini                 : tulang....tulang... boasa dison tulang... boasa gabe songon on tulang...? ditanda tulang do au.. au do sirini (rini menangis sambil memeluk tulangnya). Ai didia nantulang..?

Tulang             : amang bereku.... nga maila au nuaeng marnida ho... nantulangmu dijabu do marsahit... (laho manasida tu jabu ni tulangna i... di ida nantulangnai ma si rini, dihaol huhut ma tangis jala minta maaf).

Rini                 : nantulang.......nantulang.....?

Nantulang       : amang... bere... ndang hurimpu be olo ho ro tu jabu on, ndang dipaingot-ingot ho hape na haccit na nasailaon. Alani i bere maafhon ma ahu dah..

Rini                 : olo nantulang.. ala na so hupaingot-ingot do naung salpu i, ido umbahen na ro ahu tu son. Ai nang pe songon i na jolo pambahenanmuna tu ahu, alai sai huhasiholi do hamu.... (rini memperkenalkan hendra).. on ma nantulang na gabe dongaku saripe..

Hendra            : horas ma tulang/nantulang

Tulang             : las situtu  rohangku mamereng hamu, tarlumobi di bere ni iba si rini.. nang pe haccit sitaononna di jabu on ndang dibaloshon ibana tu hami.

Rini                 : nantulang/tulang... molo ise na olo patutoru dirina ido na gabe monang, tarlumbi di jolo ni Tuhan i.

Wanti/parman  : (wanti dan parman  terkejut sambil memperhatikan rini dan hendra) bapak/omak,,, ai ise do tahe halak on... songon na hea hutanda..

Parman            : olo ate ito wanti..... au pe songon na hutanda...

Rini                 : ahu do ito/eda si rini napinarhatoban muna i..... (wanti dan parman terkejut dan sambil menangis di hadapan rini dan minta maaf)

Parman            : ito rini... ma...aff... hon ma sude na sala na saleleng on,,, boha bahenon ito.....

Wanti              : ahu.....pe e........daaaa... ma...aff.. hon eda ma sude hasalaanki na sai laon.

Rini                 : olo ito/eda hu maafhon do hamu..

Tulang             : mauliate ma tapasahat tu Tuhan i.. ala dilehon do pe di hita tingki laho marhamubaon. Nungga denggan be sude, jala toho hita marpungu dison na pinapungu ni asi ni roha ni Tuhan i. Ala ni toho muse nuaeng pesta natal, rap hita marlasniroha. Ala naung tubu sipalua dibagasan rohantabe.. (tulang memimpin lagu BE. No 62:1,4)... martangiang ma hita.............................

Semua pemain memasuki pentas..... untuk bernyanyi buku ende.. nungga jumpang muse ari pesta i d.u.... dan mengucapkan selamat hari natal dan tahun baru..

SELAMAT HARI NATAL,

25-26 Desember 2015...

&

SELAMAT TAHUN BARU 01 JANUARI 2016

Disusun oleh:

CPdt. Rotulus Silaban, S.Th

Uluan Huria HKBP Sibaruang