JESAYA 43:8-13

“PARATARATA MA SILEHONLEHON NI DEBATA NA SAHAT TU HO” EP: JESAYA 43:8-13 I. Patujolo Adong do sada pandohan ni halak batak na mandok : “Ndang na marnaloja aek paihutihut rura”. Marhite pandohan on boi do antusanta hadirion ni sahalak natoras maradophon angka ianakhonna. Ingkon parbahulbahul na bolon. Bagas mananda sude angka ianakhonna, mangantusi halobian dohot hagaleon nasida, na sai mulakulak rohana jumpa marsala ianakhonna i. Tutu na boi muruk do roha molo ndang ditangihon jala dioloi angka ianakkon i hata dohot podanta manang molo ndang ringgas mulaulaon dohot marsiajar. Sipata gabe muruk do hita alani i. Alai malala do ateatenta molo tamuruhi nasida. Tarlumobi molo sahat tu na talinsing nasida, pasti manolsoli do hita. Songon i ma jotjot masa tu angka natoras. Jotjot do sai mulakulak roha marnida ianakkon i. Laos songoni do Debata maradophon hita. Di sude na salah (na hurang) na taula i, sasintongna nunga tama hona uhum hita ala rimas ni Debata. Alai mulaulak do muse roha ni Jahowa maradophon hita. II. Hatorangan ni Turpuk Sangombas do Ibana muruk, alai salenglelengna do asi ni rohaNa. Jala ido na pinaandar ni turpuk on. Tongon do di habuangan Babel bangso Israel hatia i, alani dosa nasida di adopan ni Jahowa. Nunga dipaingot panurirang Jesaya dosa nasida mardophon dongan jolma jala dosa di adopan ni Debata, jala nunga dipaingot nasida uhum na naeng masa tu nasida hinorhon ni dosa nasida i, huhut nunga dijouhon tu nasida asa muba, alai ndang olo nasida paubahon roha. Sahat ma tutu rimas ni Debata tu nasida. Tarbuang ma nasida tu Babel (bindu 40-48) buku Jesaya on di paandarhon do pengalamaan ni ngolu bangso Israel uju tarbuang nasida tu Babel. Ingkon tadinghonon nasida ma huta hatubuan dohot huta hagodanganna, jala ingkon sirang ma nasida dohot deba keluarga nang sisolhotna na tading dope di Jerusalem. Songon bangso na tartaban nasida, tontu godang do parungkilon nasida di habuangan i. Ndang adong harga diri (hasangapon) nasida. Ai ndang holan nasida songon sada bangso na dirajumi talu maradophon bangso Babel, alai dohot do Tuhan na sinomba nasida jongjong gabe Tuhan na talu di jolo ni sombaon noi bangso Babel. Talu do Debata ni Israel jala sirehereheon do nasida di habuangan i. Jala pangalaho ni bangso na manundalhon Tuhan Debata dipaandar di ayat 8-9 on digombarhon tu na mapitung do bangso i atik pe marnida nasida, jala bangso na nengel atik pe marpinggol nasida. Bangso na so risik, na so mananda dohot na so tinggil di boaboa ni Tuhan i sandiri. Alai di pangidohon Debata Jahowa do asa di hatindangi nasida sada hasintongan na paboahon holan Tuhan Debata Jahowa na boi paluahon nasida, jala ndang adong angka debata na asing, na hea boi mangula jala paluahon nasida songon Tuhan Debata nasida i. Mulak do tutu roha ni Debata mida bangso na niasianNa i. Mombun do rimas ni Jahowa. Marpangulahi do rohana mida bangso Israel. Alani i tangkas do dijouhon Debata: “Apuli, apuli hamu bangsoKi, hata apulapul ma dok hamu jala jouhon hamu ma tu nasida: Nunga marujung parungkilonna, ai nunga salese dosanai, ai nunga di jalo sian tangan ni Jahowa silompit dua singkat ni saluhut dosana” (Jes 40:1-2). Dao gumodang do hape asi ni roha ni Jahowa. Di parar Debata do bangso i, ndang muba holong ni roha ni Debata tu bangso Israel mulak do rohaNa tu bangso i. “Hamu do angka sitindangiKu....”mandok asa talup nasida jongjong gabe sitindangi Debata, papatarhon ni Debata ma huasoNa di jolo ni bangso i. Molo panurirang Jesaya nunga jongjong paboahaon jala patubegehon sangkap haluaon na naeng patupaon ni Debata, alai marhite huasoNa Debata do na jongjong paluahon nasida. Ndang disuru Debata naposoNa manang paranganNa paluahon nasida, alai Debata do patupa haluaon i. Saluhutna i dipatupa Debata, sada do tujuanna, ima asa ditanda jala dihaporseai nasida Debata. III. Pointer Aplikasi a. Alani i marhite turpuk on naeng tarajumi mansai arga do nang hita di jolo ni Debata. Nang pe jotjot hita mangulahon dosa, nang pe jotjot manimbil hita sian dalan ni Debata ala tatuntun do lomo doho tahi na di rohanta, nang pe jotjot ta taarsahi Ibana marhite hata nang pambahenanta di jolo Na, alai gok do asi ni roha ni Debata tu hita. Sai ditogutogu jala dijou do hita asa mulak tu Ibana jala asa marhamubaon ni roha. Ai ndada hamatean ni angka parjahat i di halomohon rohaNa, alai hamumulak ni parjahat i do tumadingkon dosana na roa i asa mangolu ibana. Ido disangkapi Tuhan Debata di bagasan ngolu ni angka porsea. b. Alani i molo tung pe madabu hita tu bagasan dosa, marhite turpuk on dijouhon hita asa mulak jala paubahon roha. Unang tapatangkang rohanta. Binsan di lehon Tuhan i dope asi ni rohaNa, unang jolo ro pinsangpinsang jala masa angka na posi baru pe tapauba rohanta. Tapature parangenta asa tau sangap di goar ni Debata. Ndang olo nian Tuhan Debata pamasaon angka uhum di hita, jala ndang i na gabe pangidoan ni rohaNa asa muba hita. Alai marhitehite turpuk on boi do hita marsiajar, ia sasahalak na naung tang panghaporseaonna, pintor jalo do ibana mananda salah manang so salah do parulaonna di ngoluna siganup ari nang ngolu ni parhurianna pe. c. Taingot ma hata ni apostel Paulus na mandok :surat ni Kristus do hita” alani i naeng ma marhite ngolunta boi tandaon ni angka jolma dohot angka bangso ise do Tuhan na tasomba i. Naeng marsangap ibana di ngolunta nang marhite angka pambahenanta i . Ido dalanta laho parataratahon silehonlehon ni Debata na sahat tu hita. Godang do angka pambahenan ni Debata naung taida jala tabege marhite angka na masa di ngoluta. Naeng ma saluhutna i lam patubu haporseaon na togu di hita jala mambahen hita lam marsihohot mamuji pasangap goarna na badia i. Tarlumobi ma hita songon gabe parhalado di tongatonga ni huria,na ingkon boi do hita parataratahon angka silehonlehon ni Debata di ngolunta be ala naung tangkas ta jalo angka na denggan, jala laos pardalanan ni ngolunta na mandok “manang aha pe na masa di ngolungku, manang songon dia do balga ni dosangku, ai umbalga do hape Asi ni rohaNa di ahu, jala singkop do Asi ni rohaNa i ngolungku” i do songon sada panindangion tu ruas asa tong nasida manghilala di asi ni ronaNi Tuhan i. Jala molo naung bagas panguntison ni nasida, i ma gabe dalan ma i di nasida laho parataratahon angka silehonlehon ni Debata di ngoluna be. Amen

Komentar

Posting Komentar

Postingan populer dari blog ini

drama Natal naposo

NGOLU NA MARHABENGETON DRAMA NATAL R/NHKBP SIBARUANG Prolog: Taida ma sada boru-boru na tading maetek, na manaon parsoalan, nungga marujung ngolu ni parsinuan dohot pangintubuna, soada haha manang anggina. Punjung songon tandiang nahupulongan ma ibana. Ala ni i tapaihut-ihut ma partinaonan ni sahalak na marhabengeton Tulang             : unang pola sai tangis ho bere dison ma hita, adong do pangalu-aluanmu dohot donganmu, unang pola mabiar ho bere..... Nantulang       : olo tutu bere..! na denggan do na ni dok ni tulangmi.. dison ma hita, apusi ma ilumi. Rini                 : olo tulang/nantulang, mauliate ma dihamu ala olo do hamu mamboan ahu tu jabu on, nirimpu do gabe dao roha muna tu ahu, ala naung marujung ngolu ni damang dohot dainang. Wanti/parman  : bapak/omak, laho ma hami sikkola da!! (Cuek ti...
Baca selengkapnya

SERMON EFESUS 6:1-9

I. Pamuhai Sahit social masyarakat masa nuaeng, kenakalan Remaja dohot torop ni dakdanak na gabe korban ni narkoba, suang songoni torop angka dakdanak na hona pusa (Kekerasan) manungguli hita pahusorhusorhon turpuk on. Ianakhon na mangarsahi natorasna, na paleahon dohot na mamunu natorasna dohot lan na asing. Turpuk on manungguli hita natoras asa tangkas mamodai ianakhonna jala manungguli ianakhon asa pasangaphon/mangoloi natorasna. Didok di umpama Batak, “ditingki metmet do hau i boi patigoron, jala di umpama na asing muse mandok sala mandasor sega luhutan. Lapatanna tingki metmet do dakdanak I mura podaan. Di pamerengan ni si Paulus, hasomalan ni huta Efesus, huta na so maradat, mampangkorhon do tu parngoluan ni halak Kristen di Efesus. Lumobi di perlakuan ni natoras tu ianakhon dohot tu pangurupina. Mangihuthon pamerengan ni si Paulus adong sian halak Kristen na dihuta i na so manganturehon ianakhonna, lobi sian i dope adong na somangargahon ianakhon songon silehonlehon ni Debata. N...
Baca selengkapnya

MUJIZAT

Makna Mujizat Keluaran 7:13 dan Matius 8 :14-27 I. Pendahuluan Disaatku tak berdaya KuasaMu yang sempurna Ketika ku percaya…Muzijat itu nyata….. Sepenggal syair lagu rohani yang dibawakan oleh Nikita di atas, dapat menjadi ungkapan hati sekaligus pernyataan iman yang kita (jemaat) miliki kepada Tuhan atas kuasa dan pekerjaanNya di sepanjang sejarah dan perjalanan segala ciptaanNya. Namun, ternyata pernyataan yang ada dalam syair tersebut (“mujizat itu nyata”) bukan saja menjadi ungkapan hati, tetapi juga menjadi sebuah pembicaraan yang hangat bagi teolog-teolog masa kini. Banyak pandangan atas “mujizat” itu muncul, seiring dengan pemahaman-pemahaman yang berbeda tentang mujizat (dalam hal ini yang dimaksud adalah pemahaman atas cerita-cerita mujizat yang ada dalam Alkitab). Karena Mujizat-mujizat yang Yesus lakukan, lalu diceritakan oleh penulis-penulis Perjanjian Baru itu menjadi sorotan utama dalam melahirkan pandangan-pandangan terhadap “mujizat” itu sendiri. Salah satu pandangan...
Baca selengkapnya